2023-жылдын 1-декабрь күнү Кыргыз Республикасынын ИИМдин Республикалык окуу борборунда талапкерлердин бүтүрүү салтанаты өткөрүлүп,  талапкерлер окууларын ийгиликтүү аякташты. 

Аталган салтанаттуу иш-чарага Кыргыз Республикасынын Ички иштер министрлигинин милициянын отставкадагы генерал-майору М.Д.Каниметов,  милициянын отставкадагы генерал-майору Т.А.Асаналиев, Борбордун ардагерлер кенешинин төрагасы милициянын отставкадагы полковниги К.О.Сатыбалдиев, бүтүрүүчү талапкерлердин ата-энелери жана башка чакырылган коноктор катышты.

Иш-чара милициянын генерал-майору Ж.Ш.Шабировдун эстелигине гүлчамбар коюп, генералыбызды эскерүү менен башталды.  

Салтанатта жүрүшүндө  Борбордо окуу мезгилинде окуудагы ийгиликтери, үлгүлүү жүрүм-туруму, маданий-массалык жана коомдук иш-чараларга активдүү катышкандыктары үчүн тандалган талапкерлерге  сыйлыктары тапшырылды. 

Андан тышкары, иш-чарада  талапкерлердин аткаруусунда обондуу ыр, "Мен патриот" флешмоб, милиция маршы номерлерин аткаруу менен коштолду.